ایک طویل عرصے کے بعد جناب ابن صفی پر مشتاق احمد قریشی صاحب کی کتاب “دو بڑے” منظر عام پر آنے والی ہے، یہ کتاب دو بڑوں یعنی ابن صفی اور ڈاکٹر ابوالخیر کشفی کے کمال فن کا احاطہ کرتی ہے۔ یہ کتاب دراصل کشفی صاحب کی ان آرا کا مجموعہ ہے جو انہوں نے صفی صاحب کے چند ناولز پر دوران مطالعہ لکھ ڈالی تھیں کتاب کی قیمت دو سو روپے رکھی گئی ہے، عنقریب یہ کتاب مارکیٹ میں دستیاب ہو گی۔ قریشی صاحب سے ہم نے دسمبر 12 دو ھزار نو کو ملاقات کی اور مذکورہ کتاب کی دو “اعزازی” کاپیاں وصول کیں۔ یہاں اعزازی، حقیقی معنوں میں استعمال کیا گیا ہے اس لیے کہ ہر اس کتاب کا حصول ہمارے لیے ایک اعزاز کا درجہ رکھتا ہے کہ جس میں جناب ابن صفی کا تذکرہ ہو۔ (کشفی صاحب کا مضمون و دیگر اہم مضامین آنے والے دنوں میں اسکین کرکے شامل کردیے جائیں گے جس کی پیشگی اجازت ہم مشتاق احمد قریشی صاحب سے لے چکے ہیں